“Дарханы төмөрлөгийн үйлдвэр” ХК-ийн Нойтон баяжуулах үйлдвэрийн даланд нас барсан ажилтан Ш....-ийн асуудал юу болсон.Цагдаагийн байгууллага талийгаачийн асуудлыг шалгаж байгаа гэдэг ч яагаад таг болов. Дахиад л хариултгүй асуултаар дүүрэн нэг хэрэг үүслээ. Уг үйлдвэрийн удирдлагууд /Нойтон баяжуулахын дарга, мастерүүд/ энэ асуудлын дараа ямар арга хэмжээ авч, хэрхэн шийдвэрлэсэн нь бас л тодорхойгүй. Үйлдвэрийн дарга Насанжаргалд хариуцлага тооцож чадах болов уу. Энэ эмэгтэйг мэргэжлийн бус гэдгээр нь байгууллагаа авч явж чаддаггүй гэдэг шүүмжлэл багагүй байдаг. Дээр нь үйлдвэрт нь осол гарсан. Гэтэл энэ бүхний дараа яагаад өнөөдрийг хүртэл зүгээр ажлаа хийгээд явж байгаа нь цаанаа учиртай.

Ардчилсан намын томоохон түлхээстэй удирдлагууд энэ үйлдвэрт ганц н.Насанжаргалаар тогтохгүй. Тодруулж хэлбэл УИХ-дахь АН-ын бүлгийн дарга Д.Эрдэнэбатынхан гэсэн хэсэг бүлэг бий. Харин Насанжаргалын хувьд АН-ын дарга С.Эрдэнийн том шахааны хүн гэх. Уг нь талийгаач Ш нь Онцгой байдлын ерөнхий газрын Бадрал генералын үеэл дүү нь гэсэн ч өнөөдрийг хүртэл нь хэрэг нь шийдэгдэхгүй байгаа нь мөн л том намын томоохон удирдлагуудын “хаалт”-тай холбоотой бололтой