Хүнсний зах, худалдааны төвүүд хугацаа нь дууссан, хадгалалтын горим зөрчсөн хүнсний бүтээгдэхүүн борлуулж байсан зөрчил илэрчээ. Нийслэлийн мэргэжлийн хяналтын газар зөрчил гаргасан  214 аж ахуй нэгжийн  таван сая 196 мянган төгрөгийн өртөг бүхий хугацаа нь дууссан хүнсний бүтээгдэхүүнийг устгуулах арга хэмжээ авлаа.

Үүнд 519 нэр төрлийн 2012 ширхэг, 39.8 кг хүнсний түүхий эд, бүтээгдэхүүн багтжээ. Мөн хөл хорионы үед зах худалдааны  төвүүд халдвар хамгааллын дэглэм зөрчсөн байна. Тухайлбал, халуун хэмжигчгүй, хүн хоорондын зай баримтлах нөхцөлийг бүрдүүлээгүй зэрэг нийтлэг зөрчил илэрчээ.