УИХ-ын Өргөдлийн байнгын хороо өнөөдөр /2019.05.08/ хуралдаж, байнгын хорооны даргын асуудлыг хэлэлцлээ. Тус байнгын хорооны даргыг чөлөөлөх, томилох асуудлыг МАН-ын бүлгийн дарга Д.Тогтохсүрэн танилцуулсан юм. МАН-ын бүлгээс Өргөдлийн байнгын хорооны даргаар М.Оюунчимэгийг улираан томилох шийдвэр гаргасан байна.Үүнтэй холбоотойгоор УИХ-ын гишүүн Ц.Гарамжав:
-Сүүлийн нэг жил гаруй хугацаанд Өргөдлийн байнгын хороо нийгэмд тулгамдаж байгаа асуудлыг авч хэлэлцэж, шуурхай шийдвэрлэж ирсэн. Өмнө нь хийсэн ажлаа үргэлжлүүлж, тулгамдсан олон асуудлыг шийдэх учраас улираан томилж байгааг дэмжиж байна.
Ингээд Өргөдлийн байнгын хорооны дарга М.Оюунчимэгийг улираан томилохыг хуралдаанд оролцсон гишүүдийн 100 хувийн саналаар дэмжлээ. Энэ асуудлыг УИХ-ын чуулганы хуралдаанаар хэлэлцэн батлах юм.
Сэтгэгдэл бичих