УИХ-ын гишүүн, АН-ын дарга С.Эрдэнэ УИХ-ын дарга Г.Занданшатарт сонгуулийн тойргийн мандат хуваарилах асуудлаар санал хүргүүлжээ. Тэрбээр албан бичигтээ "Улаанбаатар хотод нийт хүн амын 46 хувь нь амьдран суудаг. Үүгээр тооцвол 35 мандат ногдохоор байна. Гэтэл одоогоор 28 мандаттай байгаа. Нийслэлийн мандатын тоог нэмдэггүй юм гэхэд бууруулж болохгүй. Зарим аймагт тойргийн мандат нэмж олгохдоо Улаанбаатарынхаас хасвал улс төрийн шат дараатай тэмцэл өрнүүлнэ" гэдгээ илэрхийлжээ.