Элчин сайд асан А.Төмөрийн эхнэр Л.Орхон Бангкок хотын 17 давхар барилгаас унаж амиа алдсан харамсалтай хэрэг гараад есөн сар өнгөрлөө. Талийгаач бүсгүй амиа хорлосон уу, эсвэл нөхөр нь амиа хорлоход хүргэсэн үү гэдэг асуулт өнөөдрийг хүртэл хариултгүй байгаа. Хэргийн үнэн зөвийг тогтоохоор Тайландын Бангкок хотын Цагдаагийн газраас мөрдөн шалгаж байгаа ч хэрэг хэрхэн шийдэгдсэн нь тодорхойгүй байна. Хэрэг Тайландын Бангкок хотод болсон учир Монголын хуулийн байгууллага шалгалт хийх, анхаарал тавих боломжгүй.
Хэрэг гарснаас хойш Элчид сайд А.Төмөрийн бүрэн эрхэт хугацаа дуусаж, өнгөрсөн арванхоёрдугаар сард Тайландын Хаант Улсад суугаа Монгол Улсын Онц бөгөөд Бүрэн эрхт Элчин сайд В.Оюуг томилсон. Гэхдээ шинээр томилогдсон Элчин сайдууд гуравдугаар сарын 15-наас хойш суудалдаа суух учир А.Төмөр ажлаа хийсээр байна.
Сэтгэгдэл бичих