Дорноговь аймгийн Хатанбулаг сумын нутагт байх Хилийн цэргийн 0168-р ангийн алба хаагч амиа алджээ. Түүний цогцос заставаасаа 12 км-ийн зайтай газраас өнөөдөр 18.00 цагийн олдсон гэх мэдээллийг талийгаачийн ар гэрийнхэн өгч байна. Талийгаач А өнгөрсөн 2018 оны намар хугацаат цэргийн албан мордсон нэгэн байжээ.
Тэрбээр ямар шалтгаанаар застабаасаа холдож, олдохдоо амиа алдсан байдалтай байсан нь тодорхойгүй байна. Бид энэ талаар тус застабын дарга Э-ээс тодруулахад “Энэ талаар мэдээлэл өгөх боломжгүй. Хуулийн байгууллага шалгаж байгаа” гэлээ.
Талийгаачийн ар гэрийнхэн тус застаб дээр очоод байгаа юм байна. Бид энэ хэргийн талаар дэлгэрүүлэн мэдээлнэ.
Сэтгэгдэл бичих