Монгол Улсад Нийтийн аж ахуйн үйлчилгээний салбар үүсч хөгжсөний 90 жилийн ойг тохиолдуулан Барилга, хот байгуулалтын яам, Хот, суурины ус хангамж, ариутгах татуургын ашиглалт, үйлчилгээг зохицуулах зөвлөлтэй хамтран “Нийтийн аж ахуйн салбарын хүндэтгэлийн хурал”-ыг 2021 оны 10-р сарын 08-ны өдөр зохион байгууллаа.

Тус хуралд салбарын 220 гаруй байгууллагын төлөөлөгчид цахимаар оролцлоо.

Хурлын арга хэмжээг нээж Барилга, хот байгуулалтын сайд Б.Мөнхбаатар салбарын хамт олондоо баярын мэндчилгээ дэвшүүлж үг хэллээ. Тэрээр хэлсэн үгэндээ ...Барилга, хот байгуулалтын яамны зүгээс салбарын хүний нөөц, санхүү, эдийн засаг, техник технологи гэсэн чиглэлээр нийслэл, аймгийн төв, сумдын түвшинд бодлого барьж ажиллаж байна. Тулгамдсан асуудлуудад яах аргагүй мэргэжилтэй боловсон хүчин хүний нөөцийн асуудал хурцаар тавигдаж байгаа бөгөөд шинэ техник, технологи нэвтрүүлж, шинэ барилга байгууламжийг ажиллуулах хүний нөөцийг онцгой анхаарах шаардлагатай байгаа талаар дурдлаа.

Мөн Монгол Улсын Ерөнхий сайдын хүргүүлсэн илгээлтийг Ерөнхий сайдын зөвлөх Ч.Болортуяа уншиж танилцууллаа.

Цахим хуралд “Нийтийн аж ахуйн салбарын өнөөгийн байдал, цаашдын зорилт” сэдвээр Барилга, хот байгуулалтын яамны Нийтийн аж ахуй, инженерийн дэд бүтцийн бодлогын хэрэгжилтийг зохицуулах газрын дарга Г.Цогтсайхан, “Нийтийн аж ахуйн үйлчилгээний салбарын зохицуулалт”сэдвээр Хот, суурины ус хангамж, ариутгах татуургын ашиглалт, үйлчилгээг зохицуулах зөвлөлийн дарга Ж.Батсуурь тус тус илтгэл тавьлаа.

Мөн салбарын ахмад ажилтнуудыг төлөөлөн Дэд бүтцийн сайд асан, Монгол Улсын Аж үйлдвэрийн Гавъяат ажилтан Б.Жигжид, Улаанбаатар хотын захирагчийн ажлын албыг төлөөлөн Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр нар үг хэлж, салбарын байгууллагуудад мэндчилгээ дэвшүүллээ.

Хурлын илтгэл болон мэндчилгээнүүдийн дараа салбарын шилдгүүдийг тодруулах, шагнал гардуулах үйл ажиллагаа эхэлсэн юм. Хурлын хөтөлбөрийн дагуу салбарт амжилт бүтээл, хөдөлмөр зүтгэлээрээ тэргүүлсэн дараах шилдэг аж ахуйн нэгж байгууллагуудыг тодруулан шагналаа. Үүнд:

Мөн салбарын үйл ажиллагааг өргөжүүлэн хөгжүүлэхэд үнэтэй хувь нэмрээ оруулан, идэвх санаачлагатай ажиллаж, салбарын хөгжил дэвшилд олон жилийн хөдөлмөр, зүтгэлээ зориуланамжилт бүтээлээрээ тэргүүлэн ажилласан ажилтан, албан хаагч болон салбарын ахмадуудад дараах шагналыг гардууллаа. Үүнд:

Нийтийн аж ахуйн тэргүүний ажилтан цол тэмдгээр салбартаа 23 жил тасралтгүй ажилласан Улаанбаатар хотын "Ус сувгийн удирдах газар" ОНӨААТҮГ-ын машинч Батхүүгийн Пүрэвдэлгэр нарыг тус тус шагналаа.

Шагналын гардуулах үйл ажиллагааны дараагаар Нийтийн аж ахйн үйлчилгээний салбарын 90 жилийн ойд зориулан Хот, суурины ус хангамж, ариутгах татуургын ашиглалт, үйлчилгээг зохицуулах зөвлөлийн захиалгаар бүтээсэн “90 жилийн ойн түүхэн баримтат кино”-г хурлын арга хэмжээнд оролцож буй нийт төлөөлөгч нар үзүүлснээр тус үйл ажиллагаа өндөрлөлөө.