Хүний биеийн бодисын солилцоонд витамины үүрэг янз бүр байдаг ажээ. Тухайлбал С витамин нь уургийн нийлүүлэлтийг сайжруулж бие организмын дархлааг дээшлүүлдэг. Харин витамин Е нь бэлгийн боловсролын процесст оролцдог. Витамин хэрэгтэй эсэх талаар зарим эрдэмтэд маргадаг. Гэвч аль нэг витамины дутагдал нь бие организмд зарим нэг өвчин, зовиур авчирдаг болох нь тогтоогджээ.

– Түргэн ядрах, бие сульдах, хүч тэнхээ алдагдах.

– Уур уцаартай болох.

– Гуниг гутралд автах, стресст орох.

– Анхаарал, ой санамж буурах, сулрах.

– Нойргүйдэх

– Ойр ойрхон ханиад хүрэх.

– Арьс хуурайших, загатнах, эрт хөгшрөлтийн шинж тэмдэг илрэх.

– Ойр ойрхон өвдөг, хатиг гарах.

– Ойрын хараа муудах.

– Буйлнаас цус гарах,

– Яс сийрэгжих,

– Ураг зулбах хандлагатай болох.

Зарим тохиолдолд витамины хэрэгцээ илүүтэй шаардагддаг бүлэг хүмүүс ч бий.

– Нярай хүүхэд,

– Хөгжлийн шатандаа яваа өсвөр насныхан,

– Жирэмсэн болон хөхүүл эмэгтэйчүүд,

– Жирэмслэлтээс хамгаалах эм уудаг бол,

– Ахимаг насныхан,

– Өдөрт 5-аас илүү тамхи татдаг хүмүүс,

– Архийг хэтрүүлэн уудаг хүмүүс,

– Антибиотикийг урт удаан хугацаагаар зайлшгүй хэрэглэх шаардлагад орсон хүмүүс,

– Архаг өвчтэй эсвэл өвчнөө илааршуулсан,

– Мэс засал хийлгэсний дараах үе шатанд

– Оюуны хэт ачаалалтай ажиллах үед,

– Цагаан хоолтонгууд,

Аливаа витаминыг урьдчилан сэргийлэх зорилгоор хэрэглэх нь ямар ч аюулгүй байдаг. Бие организмаа сонсож, зөн совингоо мэдэрч сурах хэрэгтэй. Хэрэв өөрт чинь гэнэт,

– Давсархаг,

– Исгэлэн,

– Гашуун,

– Ямар нэгэн этгээд амттай зүйл,

– Хэт амттай хоол хүнс зэргийг идмээр санагдвал үүнийг нь заавал биелүүлэх хэрэгтэй. Энэ нь таны биед ямар нэгэн био идэвхт бодис, тэр дундаа витамин хэрэгцээтэй байгаагийн дохио ч байж болох юм.

Эх сурвалж: Ugluu.mn