Өнөөдөр Онцгой байдлын ерөнхий газрын дэд дарга, бригадын генерал Б.Ууганбаяраар ахлуулсан УОК-ын шуурхай штабын ажлын хэсгийн бүрэлдэхүүн Сонгинохайрхан дүүргийн 7 дугаар хорооны нутаг дэвсгэрт үүсээд байгаа хөрсний ус дээшилж, мөс тогтож, халиа, дошин үүссэн нөхцөл байдалтай газар дээр нь танилцаж дүүргийн Онцгой комиссын бүрэлдэхүүнд цаашид үүсэж болзошгүй шар усны үерээс урьдчилан сэргийлж бэлтгэл бэлэн байдлаа хангаж шороо, дайрганы нөөц бэлтгэх, сувагчлал татах болон бусад шаардлагатай тоног төхөөрөмж, машин техникийн бэлэн байдлаа хангаж ажиллах талаар үүрэг чиглэл өгсөн.
Мөн дүүргийн Онцгой комиссоос 7 дугаар хороо Керамикийн 1 дүгээр гудамжны хэсэгт 2 км орчим газарт халиа дошин үүсэж 20 айл өрх усанд автах эрсдэлээс сэргийлж 1 км газарт сувагчлал татаж шороон далан босгох ажлыг зохион байгуулсан талаар танилцуулсан.
скачать dle 12.0