Өнөөдөр "Барилгын хөгжлийн төв" ТӨҮГ-ын байр "БАРИЛГАЧИН" танхимд барилгын чанар, хөдөлмөрийн аюулгүй байдал, эрүүл ахуйн шаардлагуудыг хангуулж ажиллах сэдвийн хүрээнд салбарын инженер, техникийн ажилтнуудад үнэ төлбөргүй сургалтыг зохион байгууллаа.
Барилга, хот байгуулалтын сайдын 2023 оны 199, Хөдөлмөр, нийгмийн хамгааллын сайдын А/117 дугаар хамтарсан тушаалаар 2023 оны 09 дүгээр сарын 01-ний өдрөөс 2023 оны 12 дугаар сарын 01-ний өдөр хүртэлх хугацаанд “Барилга байгууламжийн чанар, хөдөлмөрийн аюулгүй байдал, эрүүл ахуйн” 3 сарын аяныг амжилттай хэрэгжүүллээ.
Аяны хүрээнд 4 бүлгийн 22 ажил зохион байгуулахаар төлөвлөж, биелэлтийг 95 хувьтай ханган ажиллав. Барилга, хот байгуулалтын сайдын 2023 оны 10 дугаар сарын 10-ны өдрийн “Барилгын ажлын аюулгүй байдлыг хангуулах зарим арга хэмжээний тухай” 2023/03 дугаар албан даалгаврыг Нийслэл болон 21 аймагт хүргүүлж, хэрэгжилтийг хангуулж ажиллалаа.

скачать dle 12.0