Оросын самбо, жүдо бөхийн үндэслэгч Василий Сергеевич Ощепковын дурсгалд зориулсан жүдо бөхийн насанд хүрэгчдийн олон улсын тэмцээн дөрөвдүгээр сарын 1-2-нд ОХУ-ын Хабаровск хотод боллоо.

Тэмцээнд Беларусь, Армен, Монгол, Энэтхэг, Израил, ОХУ-ын хот, бүс нутгийн 31 багийн 188 тамирчин эрэгтэй, эмэгтэй тус бүр 7 жинд өрсөлдөв.

Манай улсаас 15 жүдоч оролцсоноос нийт таван медаль буюу 1 алт, 1 мөнгө, 3 хүрэл медаль хүртлээ.

Хабаровскийн тэмцээний медальтнууд:

Лхагважамцын Өнөболд - 66 кг алт

Кадарбекийн Ёолк - 60 кг  мөнгө

Энхтайваны Сумъяабазар - 60 кг  хүрэл

Ганхуягийн Галмандах - 66 кг  хүрэл

Одгэрэлийн Уранбаяр - 73 кг  хүрэл