Олон улсын тэшүүрийн холбооны календарьт багтдаг “Sea Open Short Track Trophy” тэмцээн өнгөрөгч амралтын /2023.04.01-02/ өдрүүдэд Сингапур улсад боллоо. Монгол, Австрали, Шинэ Зеланд, Филиппин, Энэтхэг, Сингапур, Малайз, Хонгконг, Тайвань, Вьетнам, Индонези гэсэн 11 орны 120 тамирчин өсвөр үе, залуучууд, насанд хүрэгчдийн ангилалд өрсөлдсөн бөгөөд уг тэмцээнд манай улсаас насанд хүрэгчдийн ангилалд оролцсон ОУХМ Баттулгын Гэрэлтуяа 3 алт, 1 мөнгөн медаль хүртжээ. Түүнчлэн залуучуудын ангилалд Эрдэнэбилэгийн Мөнх-Эрдэнэ 2 мөнгө, 1 хүрэл, Баярхүүгийн Баттулга 1 мөнгө, 2 хүрэл медалийн эзэн болсон байна.