3х3 сагсан бөмбөгийн 23 хүртэлх насны залуусын дэлхийн аварга шалгаруулах тэмцээн Румыны нийслэл Бухарест хотод үргэлжилж байна.

Тэмцээний С хэсэгт багтсан Монголын 23 хүртэлх насны эмэгтэй шигшээ баг хоёр дахь тоглолтоо Доминикантай хийж 22-14 харьцаагаар хожлоо.

Монголын шигшээ баг С хэсэгт Япон, АНУ, Доминикан, Узбекистаны багуудтай нэг хэсэгт багтсан бөгөөд эхний тоглолтдоо Японд 12-21 харьцаагаар хожигдоод байв.

Шигшээ багийн бүрэлдэхүүнд Б.Ариунцэцэг, М.Эрдэнэ-Од, О.Хулан, Ц.Болорцэцэг нар багтаж байна. Тэд 10-р сарын 7-ны 18:10 цагаас Узбекистан, 20:00 цагаас АНУ-ын багтай тоглоно.