Дугуйн UCI 2.1 ангилал буюу хагас мэргэжлийн тамирчид өрсөлддөг олон өдрийн "Tour of Thailand" уралдаанд хоёр гарааны дараах байдлаар тус улсын мэргэжлийн "Roоjai" багаас уралддаг, залуучуудын анхны дэлхийн аварга, "Алдар" спорт хорооны тамирчин ОУХМ Батсайханы Тэгшбаяр тэргүүлж байна.

Тэрбээр эхний гараанд торгон жолоо өргүүлж шар цамцны эзэн болсон.

Б.Тэгшбаяр Швейцарь улсад зохиогдсон Дугуйн тойрог замын залуучуудын дэлхийн аварга шалгаруулах тэмцээнд түрүүлж  залуучуудын дэлхийн аварга болж байсан юм. 

2021 оны тус уралдааны аварга, Малайзын мэргэжлийн "Terengganu" багт данстай ОУХМ С.Жамбалцамж эхний хоёр гарааны дараа нутаг нэгт Б.Тэгшбаяраас 51 секундын алдагдалтай нийлбэр дүнгээр долдугаар байрт явна.

"Tour of Thailand" уралдаан энэ сарын 6-нд өндөрлөнө.