Гэр хороололд сайжруулсан шахмал түлш хүрэлцээгүй байгаа талаар бид мэдээлсэн билээ. Өнөөдрийн байдлаар барьцалдуулагч бодисын долоо, шуудайны 14 хоногийн нөөцтэй байгаа юм байна. Мөн аж ахуй нэгж, иргэдийн ашигласан түлшний шуудайг эргүүлэн худалдан авахаар болсон байна. 

"Таван толгой түлш" компанийн зүгээс эхний ээлжид хоёр сая ширхэг түлшний шуудай аж ахуй нэгж, иргэдээс худалдан авах зар байршуулсан байна. Тухайн компани нь түлшний шинэ шуудайг 600 төгрөгөөр худалдан авдаг бол хуучин шуудайг арай бага үнээр худалдан авахаар байгааг хэлсэн юм. Монгол Улсад шуудай хэрж, оёдог нэг машин байдаг. Тус компаниас үнийн саналыг авч байгаа. Одоогийн байдлаар нэг ч иргэн, аж ахуй нэгжээс худалдаж аваагүй. Цаашдаа түлшний шуудай худалдан авах төлөвлөгөөтэй байгаа юм байна.